A daren jiya Iraniyawa sun bankawa ofishin jakadancin Saudi wuta a Tehran, don nuna rashin jin dadin kashe wani Shehin Malamin Shi’a da masarautar Saudi ta yi.
WASHINGTON DC —
Shima Babban Jagoran Addinin kasar Iran, Ayatollah Ali Khamenei yace kasar Saudiyya zata fuskanci tsarkakekken martanin ramuwar gayya akan zartar da hukuncin kisan da suka yiwa Sheikh Nimr al-Nimr.
Yace “Ko ya iza jama’a daukar mataki ko shirya tsare-tsaren da suka ce, to wannan kisan an yi shi ne kawai don yana kalubanatar Sarakunan Saudiyya a addinance”.
Rundunar sojojin juyin-juya halin Iran ma sun fidda wata sanarwa cewa, kashe al-Nimr rashin Imani ne, kuma zai zama sanadin faduwar Sarautar Saudiyya. An kashe Malamin ne a jiya, cikin mutane 47 din da Saudin ta yankewa hukuncin kisa.