Jaruma Hauwa Waraka ta ce yadda masana’antar ta kannywood ke tafiya a yanzu, tafiyar wahainiya ce, yau nasara gobe akasin haka, domin kuwa a cewar ta a yanzu dai harkar fim ya tsaya cak.
Wannan kuwa na faruwa ne sakamakon kutse da masu satar fasaha su ke yiwa masana’antar, a cewar ta, a yanzu fim idan ba’a gidajen kallo aka saka su ba babu mafita.
Daga cikin kalubalen da suke fuskanta, ta ce akwai matsala ta rashin hadin kai da rashin tafiya da yadda zamani ta zo da ci gaba a wasu lokutan.
Akwai matsala ta rashin jari kamar yadda take cewa sannan wasu lokuta gwamnatoci basa taimaka musu wajen inganta masana’antar kamar yadda kasashen da suka ci gaba suke yi a wannan lokaci.
Tana bukatar hukumomi da su mai da hankali wajen magance musu matsala ta yan downloading da bayan sun gama shan wahala kashe kudadensu sai yan dowloading su kashe musu kasuwa.
Ga karin bayani a sauti
Your browser doesn’t support HTML5
Hauwa Waraka: Harkar Fim Ya Tsaya Cak