Kasashen Rasha, Ukraine da wasu daga nahyar yammacin turai basu daidaita ba akan iskar gas da suke saya daga Rasha
WASHINGTON, DC —
Shuwagabannin makamashi a Ukraine da Rasha da Tarayyar Turai sun gagara cimma dai-daituwa akan farashin iskar gas a ganawar da sukayi a Jiya a birnin Brussels.
Amma an kara shirya wata ganawa ranar 29 ga watan Octoba a wani sabon yunkuri na cimma dai-daituwa, a cewar Kwamishinan makamashi na Tarayyar Turai Guenter Oettinger.
Oettinger ya bayyana karfin gwiwar cewa duka bangarorin biyu zasu cimma dai-daituwa a taron mako mai zuwa da sassa ukun suka shirya a birnin Brussels.