A hada hadar zaratan ‘yan wasa kwallon kafa na duniya,bayan tayin da kungiyar Arsenal, tayi wa dan wasan ta Hector Bellerin, na karin kwantaregin shekaru biyar, shi dan wasan yafi maida hankalinsa kan batun komawarsa kungiyar Manchester City.
A C Milan na zawarcin dan wasan Chelsea mai suna Cesc Fabregas, shi kuwa dan wasan gaba na Borussia Dortmund dan kasar Gabon Pierre Emerick Aubameyang, ya ce tuni kungiyar Manchester City, suka fara tattaunawa da Mahaifinsa domin yuwar dawowarsa Kungiyar a tsakiyar kakar wasan bana.
Sai dai Kungiyar Real Madrid da PSG, suma suna cikin masu zawarcin dan wasan inda Manchester City, ta zuba masa zunzurutun kudi har fam miliyan £65m.
Shima dan wasan kasar Spain mai taka leda a kungiyar kwallon kafa ta Chelsea Diego Costa, yace yana jin dadin zama a kungiyarsa ta Chelsea Costa, dai ya bar Atletico Madrid, ne a shekarar 2014, inda ya koma Chelsea kima shekara biyu kenan kwanan baya dai Diego, ya nuna sha'awarsa ta komawa tsohowar kulob dinsa na Atletico, sai dai mai horas da Kungiyar ta Chelsea Antonio Conte ya shawu kansa da ya ci gaba da zama a Chelsea.