A yayinda da kungiyoyin kwallon kafa na duniya suka kammala wasannin lig lig na kasashe daban daban, yanzu hankali ya karkata wajen saye da sayarwar 'yan wasa inda Kungiyar kwallon kafa ta Arsenal, ta ware zunzurutun kudi har fam miliyan £50 don ganin sun sayo danwasan gaba na Lyon, Alexandre Lacazette, da alkawarin zata rika biyansa fam dubu 200 duk sati.
Real Madrid, ta shiga sahun neman matashin danwasannan Mbappe, dan shekara 18 da haihuwa daga kungiyarsa ta Monaco, Kungiyoyi da dama na kasar Ingila na sha'awar danwasan.
Liverpool ta ware fam miliyan £52 don ganin ta dauko danwasan Real Madrid James Rodriguez, dan shekara 25. Manchester United na dab da sayen danwasan gefe na Inter Millan, mai suna Ivan.
Romelu Lukaku, na Everton yace har yanzu bai fidda matsayarsa ta kungiyar da zai koma ba inda kungiyoyin kwallon kafa da dama ke sha'awar danwasan cikinsu harda tsohon kulob dinsa na Chelsea.
Your browser doesn’t support HTML5
Hada Hadar Saye Da Sayarwar 'Yan Wasan Kwallon Kafa Na Duniya