Najeriya ta yanke shawarar kafa rundunar musamman da nufin kare turaku da kayayyakin lantarkinta.
“Mun yanke shawara tare da ministan lantarki a kan samar da rundunar da muka sanyawa suna “askarawan lantarki,” kamar yadda ministan harkokin cikin gida Olubunmi Tunji-Ojo ya bayyana lokacin da ya bayyana a shirin tashar talabijin ta Channels na hantsi mai suna Sunrise Daily na yau Juma’a.
Nigerian Interior Minister
Za a kirkiri askarawan lantarkin ne daga cikin jami’an hukumar tsaron farar hula ta “Civil Defense” kuma ita zata dauki gabarar yaki da satar kayan lantarki dake yawan janyo daukewar wuta a fadin kasar.
Nasarar da askarawan yaki da hakar ma’adinai ba bisa ka’ida ba ta samu ce tayi tasiri wajen yanke shawarar kafa irinta a bangaren lantarkin.