A cikin waata sanawa da ta firo daga ofishin mataimakin gwamnan Barnabas Yusuf Bala, yau Jumma’a, an umarci hukumomin tsaro su bi umarnin sau da kafa wajen aiwatar da dokar. Yayinda aka kuma yi kira ga al’ummar yankin su kiyaye dokar.
An dauki wannan matakin ne biyo bayan kashe wadansu mutane uku jiya da maraice da ake dauka a matsayin ramuwar gayya.
An yi fama da hare hare a karamar hukumar da ya yi sanadin kashe sama da mutane dari biyu tsakanin watan Oktoba shekara ta dubu biyu da goma sha takwas zuwa yau.
An bayyana karamar Hukumar Kajura a matsayin daya daga cikin sassan Najeriya da aka fi fama da matsalar tsaro.
A cikin sakon da aka wallafa a shafin sadarwar twitter na gwamnatin jihar ta ce dokar zata ci gaba da aiki har zuwa wani lokaci.
SECURITY UPDATE: The Kaduna State Government has imposed a 24-hour curfew in Kasuwan Magani with immediate effect. Deputy Governor Barnabas Yusuf Bala has directed vigorous enforcement of the curfew and has urged citizens to comply and support peace efforts in the community @GovKaduna
Ranar Jumma’ar da ta gabata ne wadansu ‘yan bindiga suka kai hari a wani wurin shakatawa dake Kajuru suka kashe ma’aikatan aikin jinkai biyu, Faye Mooney, wata ‘yar kasar Birtaniya da kuma dan Najeriya Ogwuche, a Nigerian.