Gwamna Na Shida a Najeriya Da Covid-19 Ta Harba

WASHINGTON D.C. — 

Gwamnan jihar Delta a Najeriya Ifeanyi Arthur Okowa ya bayyana a yau Laraba cewa ya kamu da cutar Coronavirus.

Ya sanar da hakan ne a kan shafinsa na Twitter inda ya ce da shi da mai dakinsa ne cutar ta harba.

Gwamnan ya rubuta a shafin nasa cewa, "Muna cikin koshin lafiya kuma muna ci gaba da killace kanmu, da shan magani."

Gwamnan ya bukaci jama'a da su yi wa 'yarsu addu'a wacce itama take fama da cutar.

Shi ne dai Gwamna na shida da ya kamu da cutar Coronavirus a Najeriya.

Gwamnan jihar Ondo

A jiya Talata ne gwamnan jihar Ondo, Rotimi Akeredolu ya bayyana cewa yana dauke da cutar shima.