Hukumar lura da yanayin karkashin kasa ta Amurka tace, girgizar kasa mai karfin maki shidda da digo tara ta apku a tsibirin Lombok na kasar Indonesia jiya Lahadi, sa’o’i bayan aukuwar girgizar kasa mai karfin maki shidda da digo ukua tsibirin.
Haka kuma an bada rahoto hucin girgizar kasa har sau biyu a lokacin da girgizar ta auku.
Nan da nan ba’a samu rahoton ko wasu sun jikatta ba, to amma hukumar lura da bala’i ta kasar tace girgizar ta katse wutan lantarki a illahirin tsibirin. Tace gidaje da dama sun rushe a gundumar Sembalun a arewa maso gabashin tsibirin Lombok
Haka kuma anji duriyar girgizar kasar a tsibran Bali da Sumbawa da suke makwaptaka da tsibirin Lombok da kuma tsibirin Java (Yava) da Makassar a Sulawesi
Girgizar kasar ta jiya lahadi ta faru ne, makoni biyu bayan aukuwar wata girgizar kasa a tsibirin, har ta kashe fiye da mutane dari hudu.