Manchester United da Arsenal sun bayyana sha'awarsu ta ganin sun dauko dan wasan tsakiya na kungiyar Paris-saint German, Edinson Cavani, mai shekara 32 da haihuwa.
Dan wasa Edinson Cavani
Chelsea, ta ce dan wasan baya na West Ham dan kasar Faransa, Issa Diop mai shekara 22 da haihuwa, shi ne dan wasan da suka sa a gabansu wajen ganin sun dauko shi a watan Janairun bana, inda ta sanya kudi fam miliyon £40.
Dan wasa Issa Diop
Kungiyoyin Tottenham, Arsenal da kuma Manchester United na rige-rigen dauko dan wasan baya na Barcelona, Samuel Umtiti mai shekara 26 a duniya.
Dan wasa Samuel Umtiti
Tsohon mai horas da kungiyar kwallon kafa ta Juventus, Massimiliano Allegri, ya ce ya jinkirta dawowa horaswa ne saboda tsammanin cewar kungiyar Manchester United, za ta ba shi aiki in har ta sallami kocinta Ole Gunnar Solkjaer.
Tsohon mai horas da kungiyar Juventus Massimiliano Allegri
Crystal Palace ta yi watsi da kalaman kungiyar Bayern Munich da take yi na sayen dan wasanta Wilfred Zaha.