Dr. Usman Bugaje wanda jigo kuma har ya rike mukamin sakatare jam’iyyar dake mulkin Najeriya a zamanin yakin neman zabe kuma mai sharhi kan harkokin yau da kullum, ya yi tsokaci a kan batun kira da wasu yan Najeriya ke yi na sake fasalin kasar saboda gaggauta ci gaba.
WASHINGTON DC —
Wannan batu yana ci gaba da jawo muhawara a duk fadin kasar inda ke ganin sake tsarin kasar shine zai kai ta ga samun nasara, wasu kuma na ganin yunkuri ne na mayar da hannun agogo a baya.
A lokacin da ya kawo ziyara a wannan gidan radiyon, Dr. Usman Bugaje yace akwai bukatar a gyara ga fasalin kasar, amma tilas abi tafarkin da kundin tsarin mulkin mulkin kasar ya gindaya tun da farko.
Sai dai ya dora alhakin tabarbarewar al’amura a kasar kan rashin shugabanci, musamman matakai da tsohon shugaban Najeriya Olusegun Obasanjo ya dauka bayan ya kasa samun tazarce.
