WASHINGTON, DC: —
Dan wasan tsakiya na kungiyar Arsenal Dani Ceballos, ya fara tunanin yadda zai takaita tsawon zaman shi a kungiyar Emirates, don duba yiwuwar komawar shi kungiyar Real Madrid a wannan watan.
Dani wanda yake taka leda a matsayin aro mai dogon zango, a kungiyar ta Emirate, yana bukatar komawa kungiyar da zai taka leda ba tare da an ba da shi aro ba.
Babban burinsa, shi ne ya koma kasar Andalus don shiga murza leda, a gasar kasashen turai Euro 2020.
Rahotanni daga Spain na nuna cewar dan wasan na bukatar koma kungiyar Madrid, don kammala wannan kakar.
Dan wasan dai ya samu rauni a lokacin wasansu na gasar zakarun kasashen turai na Europa League, wanda aka buga a Victoria ranar 6 ga watan Nuwambar bara.