Kungiyar kwallon kafa ta Liverpool ta bada tabbacin cewar zata dauki dan wasan Red Bull Salzburg, mai suna Takumi Minamino, a ranar daya ga watan Janairun 2020.
Dan wasan mai shekaru 24, da haihuwa dan kasar Japan, wanda aka kiyasta darajar sa akan kudi fam miliyon £7.25m, ya amince da kwantirakin shekaru hudu da rabi, inda zai kare a shekarar 2024.
Minamino, ya zurara kwallaye 9, ya kuma taimaka aka zura kwallaye 11 cikin wasanni 22 da ya buga wa kungiyar ta Salzburg a lig na kasar Austrian.
A nashi bangaren, dan wasan ya nuna farincinkin sa kan ganin zai fafata a wasannin firimiya, kana a babbar kungiyar ta Liverpool, kuma yace mafarkinsa ya zamo gaskiya.
Shi kuwa mai horas da kulob din Liverpool Jurgen Klopp, ya bayyana dan wasan a matsayi matashin wanda magoya bayan Liverpool suka bayyana irin gudumawar da zai bayar, musamman idan aka yi la'akari da rawar da ya taka yayin da suka fafata a gasar zakarun turai na bana.