A wannan makon ma shirin ciki da gaskiya na jihar Yobe a Najeriya, inda wani matashi da ake kira Kwamared Bello Jana, ya ce an tsare su a gidan yari suna jiran shari’a lokaci mai tsawo, ba tare da sanin wanda ya shigar da kararsu ba.
Matashin wanda ya ke neman ya nunawa duniya an take masa ‘yanci, ya ce gabanin kama shi ya shirya wata zanga-zanga kan neman a gyara lamaran ilimi ta hanyar gyara ginin makarantu, bayan da gwamnan jihar Yobe ya ayyana dokar ta baci a sashen ilimi.
