A jiya kungiyar kwallon kafa ta Juventus, ta doke takwararta ta Monaco da ci 2-0 a gidanta a gasar cin kofin zakarun nahiyar turai (Uefa Champions league) na shekara 2016/17 a matakin wasan dab da na karshe (Semi final)
Juventus, ta samu nasarar jefa kwallayenne ta kafar danwasan gabanta mai suna Gonzalo Higuain, a cikin mintuna na 29 da 56 da fara wasan.
Ranar Talata 9/5/2017 za'a kara a zagaye na biyu a wasan inda Juventus, zata karbi bakuncin Monaco.
A ranar laraba 10/5/2017 Atletico Madrid, ce zata karbi bakuncin Real Madrid a karawa ta biyu inda a hadu war farko ranar Talata 2/5/2017 Real Madrid ta lallasa Atletico Madrid da kwallaye 3-0.
A daya wasan na Europa League 2016/17 a jiya kungiyar kwallon kafa ta Ajax ta lallasa Lyon ta kasar Faransa da kwallaye 4-1 a matakin wasan kusa da na karshe semi final.
A yau kuma Celta Vigo, zata kara da Manchester United, shima a gasar cin kofin Turai Europa league 2016/17 a matakin wasan dab da na karshe a karawarsu ta farko za'a buga wasanne a filin wasa na Balaidos na kasar Spain mai daukar mutane dubu 28700 da misalin karfe takwas da minti biyar agogon Najeriya Nijar kamaru da kasar Chadi.
Your browser doesn’t support HTML5
Celta Vigo Zata Gwabza Da Manchester United