A bayanin da gamayyar sojojin ta bayar tace “ mun bude binciken bayanan fararen hula na gaskiya sakamakon zargin.” Haka kuma bayanin yace Jiragen gamayyar na kai hare haren ne akan unguwannin da ‘Yan Daesh suke, sannan dakarun na gamayyar na daukar matakai na kulawa a yayin shirye shiryen kai hare haren ta jiragen sama domin kaucewa cutar da Fararen hula.”
Mai Magana da yawun tashar dakarun Amurka Col. John Thomas ya fadawa jaridar New York Times cewa, basu da masaniyar idan Bam din da ya fashe a yammacin Mosul ya faru ne sakamakon Dakarun Amurka ko kuma wasu daga cikin dakarun gamayyar ba, ko kuma tarko ne da ‘Yan Daesh suka d'ana.” Wani jami’n Iraqi yace yana da masaniyar abinda ya faru.Major General Maan Al-Saadi, kwamandan Dakarun Iraqi na musanman ya fadawa Jaridar The Times cewar, dakarunsa sun kira dakarun gamayyar ne na sojin sama domin su kare su daga wasu gwanayen harbi a kan gine gine guda uku dake unguwar ta Jidedeah a Mosul, Ya kara da cewa amma dakarunsa basu san cewar kasan gidajen makare yake da fararen hula ba.