Eden Hazard dan wasan kungiyar kwallon kafa ta Chelsea, ya kara
tabbatar da cewar da yiwu zai iya komawa kulob din Real Madrid don cigaba da taka ledarsa a kungiyar.
Dan wasan mai shekara 28 da haihuwa, dan kasar Belgium har yanzu bai amince ya saka hannu kan yarjejeniyar ci gaba da zama a Stamford Bridge ba, inda kwantirakinsa zata kare a shekarar 2020.
Ko a baya dan wasan ya ce ya so komawa kungiyar Real Madrid bayan kammala gasar cin kofin duniya da aka buga a kasar Rasha.
Hazard ya ce har yanzu dai bai yanke shawarar makomar tamolarsa ba, ko ya zata kasance nan gaba ba.
Domin bai ci gaba da tattaunawa da mahukuntan Chelsea ba, don tsawaita
kwantirakinsa a Stamford Bridge ba.
Real Madrid dai tana sha'awar sayen dan wasan domin ya maye mata gurbin dan wasanta Cristiano Ronaldo, wanda ya koma Juventus a farkon kakan wasan bana.