Manchester United tana da ra'ayin dauko dan wasan gaba na kungiyar kwallon kafa ta Bayern Munich mai suna Thomas Muller.
Kocin kungiyar Manchester Ole Gunnar Solkjaer, yace a kokarin da ya keyi domin inganta kulob din, ya zamo dole ya saye dan wasan gaba a watan Janairun shekara mai zuwa, da zaran an bude saye da sayarwar 'yan wasa.
Tun bayan da kungiyar ta Manchester United ta sayar da dan wasan gabanta Romelu Lukaku, ga kulob din Inter Milan ba ta saye wani domin maye gurbin sa ba.
Hakan ya kawo mata koma baya a wasannin da ta ke bugawa a wannan shekarar, musamman ma a gasar Firimiya lig na Ingila, inda take mataki na 14 daga kasan teburin da maki 10 kacal.
Ana alakanta dan wasan Muller mai shekaru 31 da haihuwa, da barin Allianz Arena inda itama Inter Milan wacce ta saye Lukaku, ta kuma karbi aron Alex Sanchez, daga Manchester tana zawarcin dan wasan Muller a watan Janairu,