Koch din Atletico Madrid, Diego Simmeone, bai soki lamirin ‘yan wasan sa ba, duk da kunnen doki biyu da biyu da suka yi da kungiyar, L’Hospitalet jiya, a gida.
Koda yake zakarun na Laliga, wato Atletico Madrid, sunyi nasaran doke L’Hospitalet, a wasan sun na farko inda suka nakada masu kashi, da kwallaye uku a raga.
A gaba dimbin jama’ar, da suka zo kallo, Atletico, ta nuna bajinta amma kash, haka bata cimma ruwa ba, a lokacin da ya rage minti shida, a tashi wasa ne Alcaraz, da wasan L’Hospitalet, yayi kwance-kwance, ya dankara masu kwallon a ragar Atletico, inda aka tashi wasan biyu da biyu.
Tunda aka fara kakar kwallon bana, wannan shine karo na farko da aka rasa wasa a gida, inji Koch Simeone.
Ya kara da cewa ba haka aka so ba, amma, yayi farin ciki saboda ‘yan wasan sun taka leda, amma, da aka dawo hutun rabin lokaci, abokan karawarsu suma sun nuna bajinta.
Your browser doesn’t support HTML5
Atletico Madrid - 1'00"