Gyan ya koma da wasansa a kungiyar wasan lig din Super League ta India mai suna NorthEast United bayan ya juya baya ga tayi da aka bashi a kasashen Italiya, Faransa, Ingila, UAE da kuma China.
Gyan ya fadawa manema labarai yayin da aka yi masa tambaya a kan wannan matakin komawa da wasansa zuwa India, yace gaskiya kwallo sana’a ta ce kuma zan iya yi a ko ina. Ya kara da cewa wannan ne karo na farko da na san India. Gyan yace yanzu ya fara fahimtar rayuwar kasar kuma yana sha’awar rayuwar kasar.
Asamoah Gyan yace a lokacin ya yanke shawara zai bar babban wasa a Ingila ya koma Hadaddiyar Daular Larabawa (UAE), mutane sun rika tambayoyi a kan dalilin da yasa na dauki matakin. Amma a kan CNN na fada musu cewa zan je ne domin in taimaka wasan kasar ya samu bunkasa, kuma yace tun da ya je UAE, manyan ‘yan wasa da dama sun bi sawu.
Yace yayin da ya koma China mutane da dama sun biyo sawu suka koma da wasanninsu a can. Yace yana kyautata komawarsa India zata sake yin wani tsairi kana tasa wasab kasar ya samu shahara.