A Hong Kong masu zanga zanga da suka kafa sansanoni a rana ta biyar suna barzanar zasu fadada tada kayar bayar da suke idan shugaban yankin Leung Chun-ying bai biya musu bukatunsu ban a aiwatar da sauye sauyen ta fuskar demokuradiyya.
A cikin wata ‘yar gajeruwar sanarwa da ‘yan kaka-gida a sansanonin kasuwancin yankin suke yi, sun ce zasu bada sanarwar mataki na gaba da zasu dauka muddin shugaban yankin bai biya musu bukatunsu ba, da suka hada da ganin yayi murabus.
Leung bai nuna wata alamar cewa zaiyi murabus ba. A cikin wani jawabi da yayi talatan nan, Mr. Leung yayi kira ga masu zanga zangar “su cika alkawari da suka yiwa yankin da jama’arta” su daina zanga zangar ba tareda wani bata lokaci ba, al’amari da yace ya wuce makadi da rawa.