Anci gaba gaba da tafka muhawara mai zafin gaske akan yunkurin jamiyya mai mulki a kasar Uganda na kokarin data keyi na ko a cire adadin shekarun dan takarar shugaban kasa daga cikin dokar kasa.
A cikin wannan satin ne dai ake sa majilisar ta sake tado da wannan maganar tare da ‘yan adawa dake nuna kin amincewar su da wannan batu.
Wakiliyar wannan gidan Radiyon dake aiko da rahotanni daga kasar ta Uganda Halima Althumani tace jamiyya mai mulkin kasar tace zata ci gaba taga cewa ta cire wannan adadin shekaru ga dan takarar shugaban kasa duk ko da yake mutanen kasar sun fito sun gudanar da zanga-zangar nuna kin amincewar su da wannan yunkuri, dama nuna kin yardan ‘yan majilisar dokokin kasar tayi a cikin satin data gabata.
Peter Ogwang shine mataimaki shugaban shugaban jamiyya mai mulki kasar.
Dokar kasarta Uganda dai tasa shekaru 75 ne a matsayin iyakacin shekarun dan takarar shugaban kasa, wannan yana nufin Kenan yanzu haka shekarar 2012 shugaba Yoweri Museveni ba zai iya takara ba.
Masu sukan lamirin wannan batun shekarun sunce wannan tamkar son kai idan jamiyyar tayi haka.
Masu goyon bayan wannan tsarin sunce wanan zai zame wata hanyar da za abi domin mika mulki cikin ruwan sanyi, abinda kasar bata taba samu tun lokacin data samu yanci a shekarar 1962.
‘Yan adawa dai basu da niyyar janye wa daga wannan batu.