An Rage Wa Tsoffin Gwamnoni Biyu A Najeriya Zaman Gidan Yari

Kotun daukaka kara a karkashin mai shari'a Steven Adah ya rage wa tsoffin Gwamnoni biyu wa'adin shekarun da za su yi a fursina.

Gwamnonin su ne tsohon Gwamnan Jihar Filato Joshua Dariye da Jolly Nyame na Jihar Taraba.

Joshua Dariye zai shafe shekaru 11 a maimakon 14, shi kuwa Jolly Nyame zai yi shekaru 12 a maimakon 14, sannan kuma zai mayar wa Gwamnati Taraba kudi wuri na gugar wuri har Naira miliyan dari hudu da casa'in da biyar.

Barista Jumboh Festus, lauyan Joshua Dariye, ya ce za su yi nazarin hukuncin da kotu ta yanke sannan kuma za su ba wa wanda su ke karewa shawara, idan ya ba mu umarnin mu sake daukaka kara, za mu bi umarnin nasa. saboda ba mu gamsu da shari'ar ba domin shi wanda mu ke karewa bai aikata wannan laifi da ake zargin sa da shi ba.

Ga wakiliyar mu Medina Dauda da karin bayani

An Ragewa Tsoffin Gwamnoni Biyu A Najeriya Zaman Gidan Yari