A wani bincike da hukumar kula da kwallon kafa ta duniya, (FIFA) tayi kan batun kudaden da aka kashe a bana, wajan saye da sayarwa na ‘yan wasan kwallon kafa na duniya.
Lisafi na nuni da cewar a bana an kashe zunzurutun kudi har fam Biliyan £2.75 kan saye da sayarwa.
Inda hukumar ta FIFA tace kungiyoyin kwallon kafa na Kasar Ingila, su sukafi kashe kudi a cikin jerin kasashe manya guda 5 da sukayi fece a nahiyar turai wajan wasan tamola,kasashen sune Ingila, Spain, Jamus, Italiya da Kasar Faransa.
Inda alkaluman lisafi ke nuni da cewar a bangaren Firimiya lig na kasar Ingila sun Kashe fiye da kashi uku na yawan kudin da aka saye ‘yan wasan wato £2.75bn.
Anyi kiyasin kungiyoyin na Ingila sun batar da fam biliyan £1bn, a bana wajan sayen ‘yan wasa kawai.
Sai bangaren La-Liga na kasar Spain da suka Kashe, fam miliyan £480, Bundesliga na Jamus, tana rufa mata baya da fam miliyan £391, Sai Italiya, da ta Kashe fam miliyan £382.
Sai kuma Ligue 1 na kasar Faransa, wace ita tafi sayen dan wasa da tsada a bana inda PSG ta sayo dan wasan gaba Neymar, daga kungiyar Kwallon kafa ta Barcelona, akan zunzurutun kudi har yuro miliyan €222, Wanda yanzu haka shine yafi kowani dan wasan tamola tsada, a bana.
Your browser doesn’t support HTML5
An Kashe Fam Biliyan 2.75 Akan 'Yan Wasan Kwallon Kafa -3'30"