Hukumomi a Jamhuriyar Nijar sun kaddamar da bukuwan murnar cikar kasar shekaru 58 da samun ‘yancin kai.
WASHINGTON D.C. —
A irin wannan lokacin bukuwa akan shirya wasannin motsa jiki da nuna al’adun kasar.
Za a kwashe kudan tsawon mako guda ana wadannan shagulgula, wanda a wannan karo birnin Agadez ne zai dauki nauyin yi.
Masu lura da al’amura sun ce daukan ragamar wannan biki da Agadez zai yi, ya taimaka ma wajen samun sabbin gin-gine.
Dama Agadez birni ne na masu yawon bude ido, inda mutane daga kasashen duniya ke ziyartar shi.
Bukuwan sun fara gudana ne a cikin kwararan matakan tsaro, inda gobe ake sa ran za a gudanar da pareti.
Saurari rahoton Yusuf Abdoulaye domin jin karin bayani:
Your browser doesn’t support HTML5
An Fara Shagulgulan Cikar Nijar Shekaru 58 Da Samun ‘Yanci - 2'59"