An fara gagarumin aikin alluran rigakafin cutar kwalara a kasar Mozambique don hana yaduwar cutar daga juyawa zuwa annoba mai tsanani.
WASHINGTON D.C. —
Ma'aikatar Lafiya ta kasar Mozambique ta tabbatar da cewa fiye da mutane 1,400 suka kamu da cutar kwalara, inda har mutane biyu sun mutu a birnin Beira, wanda mummunar guguwar Cyclone Idai tafi shafa.
Hukumar kiwon lafiya ta duniya wato WHO a takaice tare da Asusun kananan yara na majalisar dinkin duniya ke jagorantar yaki da cutar.
A cikin kwanaki biyar masu zuwa, hukumomin biyu sun shirya bada alurar riga kafin cutar ga kusan mutane 900,000 a garin Beira da wuraren da ke kewaye dashi.