A lokacinda ake nuna majigin Muryar Amurka kan yaki da bakar akidar Boko Haram malamai da kungiyoyin matasa sun nuna bukatar a bude sabon babi na nisanta addini daga muguwar masu kashe jama’a ba tare hakkin shari’a ba.
Shugaban kungiyar IZALA Abdullahi Bala Lau da sakataren kungiyar Kiristoci ta Najeriya Rabaran Musa Asake sun nuna takaicin yadda ‘Yan Boko Haram suka cuci al’ummar da basu da laifin komi.
Musa Asake, Aliyu Mustapha da Shaikh Bala Lau
Shaikh Abdullahi Bala Lau ya bukaci cewa a karantar da akida mai kyau. Yayi misali da irin gudummawar da Shaikh Jaafar Mahmud Adam ya bayar da har ya kai ga yi masa kisan gilla. Y ace duk wani malami kuma da yayi yunkurin yin wa’azi akan akidar Boko Haram sai a kasheshi. Dalili ke nan malamai da yawa sun tsorata basa iya fitowa fili su kalubalanci kungiyar Boko Haram ba.
Shi ma Rabaran Musa Asake ya nuna damuwa da yadda ya ce gwamnati tayi sakaci da yaki da Boko Haram tare da cewa majigin na VOA ya fadakar dashi akan bukatar dake akwai Kiristoci da Musulmai su hada kai wajen wanzar da zaman lafiya. Yace da shugabannin addinan biyu sun zauna akan matsalar Boko Haram da sun yi maganin kungiyar. A cewarsa yanzu idan mutum yayi magana sai a bishi ana neman a kasheshi.
Kungiyar matasan Najeriya karkashin shugabancin Murtala Garba da wasu sun halarci taron.
Ga Nasiru Adamu El-Hikaya da karin baani
Your browser doesn’t support HTML5
An Bukaci a Nisanta Addini daga Bakar Akidar Boko Haram - 3' 00"