Amurka ta karu da kawayenta na NATO a jiya Talata suka yi tir da amfani da makamai masu guba a kasar Syria, yayin da suka dora laifi a kan kasar Rasha mai bada kariya ga gwamnatin shugaban Syria Bashar al-Assad
WASHINGTON DC —
Hari na baya bayan nan a kan Gabashin Ghouta ta tada hankali cewar gwamnatin Bashar al-Assad tana ci gaba da yin amfani da makami masu guba a kan a’ummarta, inji sakataren harkokin wajen Amurka Rex Tillerson yake fada a birnin Paris.
Tillerson yace akalla mutane 20 aka kashe a ranar Litinin a cikin wannan hari da aka kai da iska mai tsananin guba a yankin Gabashin Ghouta kusa da Damascus dake hannun yan tawaye.
Sai dai ya dora laifi a kan Rasha da kuma taimako da take yiwa gwamnatin Assad.