Kungiyar 'yan jarida marubuta labarin wasanni reshen jihar Bauchi (SWAN) dake tarayyar Najeriya na kiran gwamnatin jihar Bauchi karkashin jagorancin Gwamna Bala Abdulkadir Muhammad (Kauran Bauchi), da ya taimakawa kungiyar kwallon kafa ta Wikki Tourist.
Akwai bukatar kungiyar ta dawo gida don buga wasannin kawance a filin wasa na tunawa da Sir. Abubakar Tafawa Balewa.
Kungiyar ta SWAN ta bayyana hakanne a wani zama na gaggawa da tayi da mambobinta jiya a ofishinta dake fadar jihar, karkashin jagorancin shugaban ta Nasiru Abdullahi Kobi.
Bayan haka kungiyar SWAN, ta yaba wa mai horas da kulob din Wikki Tourist, na rikon kwarya Garba Ibrahim, bisa kokarin sa da yake yi wajan samun nasarori da kungiyar keyi, musamman a kakar wasannin firimiyar Najeriya NPFL na bana.