Afirka

Afirka Ta Kudu Ta Janye Da Sayar Da Maganin Tari Na J&J A Kasashen Afirka Shida Bayan Zargin Akwai Guba

Maganin Tari Na J&J

Dubi ra’ayoyi

Hukumar kula da lafiya ta Afirka ta Kudu ta fada a ranar Asabar cewa za ta janye wani samfurin Johnson & Johnson's (JNJ.N), na sabon maganin tarin yara bayan da aka gano cewa ya na ƙunshe da Diethylene glycol fiye da kima.
washington dc — 

Sanarwar ta kara da cewa, an sayar da rukunin da abin ya shafa a kasashen Afirka ta Kudu da Eswatini da Rwanda da Kenya da Tanzania da kuma Najeriya.

Janyewar ta biyo bayan rahoton da takwarar aikin hukumar a Najeriya ta bayar a ranar Laraba, wadda ta fara gano gubar a cikin wani nau'in ruwan maganin na Benylin na yara.

FILE - Cough syrup containing dextromethorphan is displayed at a pharmacy in Edmond, Okla.

Idan ba a manta ba, kasashen Kenya da Najeriya ne suka fitar da janyewar maganin wanda ake amfani da shi wajen maganin zazzabi da sauran matsalolin da ke shafar numfashin.

Ku Duba Wannan Ma Najeriya Ta Janye Maganin Tarin Yara Na J&J Daga Kasuwa Saboda Illa

Kenvue (KVUE.N), wanda a yanzu ya mallaki Benylin bayan da J&J bangaren maganin ya balle bara, ya fada a wata sanarwa cewa yana gudanar da nasa gwaje-gwajen tare da yin aiki da hukumomin lafiya don sanin matakin da za a dauka.

"Bita na bayanan bayanan na kariyar lafiyarmu na duniya na tsawon lokacin da aka saki samfurin a watan Mayu 2021 zuwa 11 ga Afrilu 2024 bai gano wata guba ba ga kowane rukuni na Benylin Pediatric Syrup," in ji shi.

An danganta yawan sinadarin diethylene glycol fiye da misali a cikin maganin tari da mutuwar yara da dama a Gambia, Uzbekistan da Kamaru tun daga shekarar 2022 a daya daga cikin mace-macen guba mafiya muni a duniya.