Matashin, dan wasan gaban Everton Ademola Lookman na shirin barin bugawa tawagar ‘yan wasan kasar Ingila ‘yan kasa da shekaru 21 domin dawowa Najeriya da taka leda.
Dan wasan Burtaniya ya wakilci Ƙasar Ingila tun daga under 19, U20 da matasa 21, ya kuma taimaka masu a gasar cin kofin duniya ta FIFA U20 a 2017 ta hanyar zura kwallaye uku a wasan.
Lookman ya cancanci buga wasa a tawagar Super Eagles, a kasancewar iyayensa ‘yan asalin Najeriya, amma an haife shi a Wandsworth, Ingila.
Dan wasan mai shekaru 20 da haihuwa wanda ya shafe kakar wasa ta karshe a amatsayin aro a Bundesliga, RB Leipzig, daga kungiyar Everton ya yanke shawarar canza sheka zuwa Najeriya.
Ademola ya fahimci cewa ya kamata ya takawa Najeriya wasa a farkon shekarar 2018 bayan wata ganawa da sukayi da shugaban hukumar kwallon kafa ta Najeriya, Amaju Pinnick.