Babban jami'in diplomasiyan da ya ke ziyara a nahiyar Afrika karon farko tunda shugaban Amurka Joe Biden ya zabe shi ya rike wannan mukamin, ya bayyana kasar Kenya a matsayin kasar da Amurka ta dade tana abota ta kut-da-kut da ita.
Ziyarar Sakataren Harkokin Wajen Amurka a Kenya
Blinken ya wallafa a shafinshi na twitter jim kadan da saukar shi a tashar jirgin sama ta birnin Nairobi cewa,Vipi WaKenya! ma'ana, Yaya dai 'yan Kasar Kenya!
Ya kuma bayyana cewa yana marmarin ganawa da jami'an gwamnatin kasar Kenya da kungiyoyin farin kaya domin tattaunawa a kan batutuwan da suka shafi kasashen biyu da kuma jadada muhimmancin dangantakar da ke tsakanin kasashen.
sakataren-harkokin-wajen-amurka-antony-blinken-zai-kai-ziyara-najeriya
blinken-ya-tattauna-da-takwaran-aikinsa-na-najeriya-onyeama
najeriya-na-so-amurka-ta-mayar-da-rundunar-sojin-africom-zuwa-afirka
Tuni al'ummar kasar da kuma masu kula da lamura kan harkokin nahiyar Afrika suka fara tsokaci dangane da ziyarar ta sa.
Yace "Mun gode da ka ziyarci kasashen Amurkawa bakaken fata. Ta haka ne kawai hukumomi za su iya ganin muhimman matsalolin da mu ke fuskanta zahiri a Afirka. Zai taimake ka ka yanke shawarar da ta dace ta shawo kan matsalolin da mu ke fuskanta kowacce rana."
Shi kuwa wannan cewa ya yi, "Na gode Ranka dade Sakatare domin lokacin da ka dauka domin ka ganewa idonka halin da ake ciki a Gabashin Afrika. Muna kira gare ka, ka tsaida shawarar da ta dace a madadin mutanen ka da kuma kasashen nahiyar Afrika."
Bayan kasar Kenya, Sakataren Harkokin wajen Amurkan Anthony Blinken zai kuma ziyarci kasashen Najeriya da kuma Senegal a ziyarar kwanaki biyar, daga 15-12 ga watan nan na Nuwamba da zai yi.