Kididdiga na nuni da cewar Kaftin din tawagar kungiyar kwallon kafa ta Real Madrid, Sergio Ramos ya buga wasa har sau 600 wa kungiyar a cikin kakar wasanni 14 da ya shafe a Santiago Bernabeu.
Wasanni hudu ne kacal dan wasan Ramos ba a fara da shi ba, cikin wasanni
600 da ya buga wa Real. Ya kuma samu nasarar lashe kofuna 20 ciki har da na Zakarun Turai (Uefa Champions League).
Dan wasan mai tsaron baya ya buga dukkannin karawar da kungiyar tayi a gasar cin kofin Zakarun Turai, inda ya yi wasanni 119 dai-dai da wanda ya yi wa Madrid a gasar cin kofin Zakatun nahiyoyin duniya da na European Super Cup.
Ya buga wasanni 417 a gasar La Liga, an samu nasara da shi a wasa 281 anyi canjaras kuma a wasanni 63 da ya fafata inda a wasanni 73, aka doke ta, dan wasan ya samu nasarar zurara kwallaye a raga har guda 59 cikin fafatawar da yayi a Real Madrid.
Real dai a yanzu haka tana mataki na uku daga saman teburin La-Liga na bana da maki 54, a wasan mako na 28 inda a ranar Lahadi ta samu nasara akan Celta Vigo daci 2-0 ranar 31 ga watan Maris, Real za ta karbi bakoncin Huesca a wasan mako na 29 a gasar La Liga.