Gwamnan jihar Borno Kashim Shettima a wata sanarwa da ya bayar ta kafofin labarai yace zasu bar jama'a su yi zirga zirga a lokacin bikin salla sabanin abun da suka saba ganin cikin shekaru shida da suka gabata.
Da yake zantawa da Muryar Amurka sakataren gwamnatin jihar Alhaji Usman Jidda Shuwa ya bayyana dalilin da ya sa suka dauki matakin barin mutane su yi bikin sallah cikin walwala ba tare da hanasu yin zirga-zirga ba. Yace a taron da suka yi da manyan jami'an tsaro sun amince an samu zaman lafiya yanzu ba kaman da ba. Saboda haka, zasu karfafa bincike lokacin bikin salla amma zasu bar kowa ya je inda yake so.
Yace mutane zasu iya yin yawonsu amma su lura da baki da basu sani ba. Idan sun ga haka su shaidawa jami'an tsaro. Baki na iya shigowa amma sai an bincikesu da ababen hawansu.
Ga karin bayani.
Your browser doesn’t support HTML5
A Karon Farko A Borno Jama'a Zasu Yi Bikin Sallah da Walwala - 2' 23"