A Brazil, wani alkalin kotun kolin kasar ya hana tsoshon shugaban kasar Luiz Inacio da Silva, karbar mukami a majalisar ministocin kasar, mataki da zai bashi kariya daga fuskantar tuhumar cin hanci da rashawa a binciken da ake yi akansa haalin yanzu.
Alkali Gilmar Mendes, wanda ya fidda hukuncin da ya yanke a daren jiya jumma'a, yace baiwa tsohon shugaban kasar mukami a majalisar ministoci zai "kasance " hawan kawara ne ko rena tsarin mulki."
A Brazil ministocin kasar suna da kariya daga shari'a a gaban kotunan kasar kan zargi aikata laifi, amma ana iya gurfanar da su gaban kotun koli.
Shirin shugabar kasar Dilma Rousseff na nada tsohon shugaban kasa Lula, a majalisar ministocin kasar wanda ya janyo cece-cece kuce, da zai iya baiwa tsohon shugaban kasar kariya daga fuskatar tuhuma cin hanci da rashawa da kuma halatta kudaden haram.
Masu bincike suna zargin hakan ya auku ne a ma'aikatar man kasar.