A jiya Talata, shahararren kamfanin wayoyi na Apple, ya kaddamar da sabuwar wayar ‘iPhone 8’ da ‘iPhone 8 Plus’ wayar dai bata da banbanci mai yawa, da tsohuwar wayar iPhone 7. Sai dai bayan sabuwar wayar na gilashi ne.
Wayar tazo da kaloli da suka hada da mai launin ruwan toka da sabuwar kalar su mai launin ruwan gwal. Wayar dai kura ko ruwa baya yi mata lahani domin kuwa an inganta ta duk wata kafa da wani abu ka iya shigar ta an rufe ram.
Tana dauke da sabon salon karfin yanayin hoton HD, sifikar ta na da karfin kara na kimanin kashi 25% kari daga tsarin tsohuwar wayar. Kana an inganta ta da tsarin da zai bata damar aiki da sauri.
Ana sa tsammanin kamfanin zasu gabatar da sabuwar wayar su, da zasu fitar a nan gaba mai suna iPhone X, wadda baki daya fuskar wayar ke dauke da gilashi. Kudin wannan suwar wayar iPhone 8 ya fara daga dallar Amurka dubu daya ne $1,000.