Sabuwar kungiyar masu shirya fina-finan Hausa ta jihar kano na yunkuri kawo wani sabon shiri da zai dawo da martaba da tarbiya a masana'antar kannywood.
Jarumi kuma furodusa Isa A Isa ne ya bayyana haka a wata zantawa da wakiliyar Dandalinvoa a Kano.
Jarumin ya bayyana babban kalubalen da ke ciwa masana’antar kannywood tuwo a kwarya bai wuci rashin tarbiya da girmama na gaba a harkar fina-finai ba, ya kuma kara da cewa a wancan lokacin da suka fara harkar fim shekaru 20 da suka gabata, masana’antar na da tsari sabanin yanzu.
Isa A Isa, wanda aka fi sani da Halifa ya bayyana cewa duk wadannan matsaloli da suke fuskanta sun samo asali ne ta hanyar daukar mutune masana’antar ba tare da cikakken bincike a kan inda mutum ya fito da irin tarbiyansa ba.
Ya kara da cewa, sabon shugabancin da suke da shi a yanzu ya fara kawo sauyi, domin canza irin kallon da alu’umma ke yiwa masu harkar fim.
Ga cikakkiyar hirar Baraka Bashir.
Your browser doesn’t support HTML5
Yunkurin Kawo Sabon Shiri Domin Dawo Da Martabar Kannywood - Inji Isa A Isa