Hukumar Kwallon Kafa Ta Ingila Ta Kwato Wa Alkalan Wasa 'Yanci

WASHINGTON, DC — 

A wasan sada zumunci da aka fafata tsakanin kungiyar kwallon kafa na Bayern Munich, dake kasar Jamus da kungiyar Manchester City, dake kasar Ingila, kungiyar ta Bayern Munich ta doke Manchester City da kwallo daya da nema.

Yau za’a buga wasani na sada zumunci inda P S V, na kasar Holland, zata kara da FC Porto, na kasar Portugal, misalign karfe ( 8 pm) takwas na dare agogon Najeriya, ita kuwa kungiyar kwallon kafa na Celta de Vigo, dake kasar Spain zata fafata ne da kungiyar kwallon kafa na Deportivo La Coruna, dake Spain din misalign karfe (9:30 pm) tara da rabi agogon Najeriya.

Hukumar dake kula da wasan kwallon kafa na kasar Ingila FA, ta fito da wani sabon doka domin kare mutunci alkalan wasa gasar firimiya, hukimar tace duk dan wasan da ya yiwa akalin wasa karan tsaye za’a bashi kama daga Kadin gargadi zuwa jan kati.

Wata kungiya mai zaman kanta a duniya mai suna Football global business ta bayan suna dan wasan gaba na Najeriya, mai taka leda a kungiyar kwallon kafa na Manchester City mai suna Kelechi Iheanacho, a matsayin dan wasa mai daraja a mataki na daya a cikin masu karancin shekaru kasa da shekaru ashirin da daya.

Hukumar Kwallon Kafa Ta Ingila Ta Kwato Wa Alkalan Wasa Hakki - 2'33"