WASHINGTON, DC —
Hukumar kwallon kafa ta Najeriya, zata yi amfani da ‘yan wasan kwallon kafa na gidan a wasan da Super Eagles zata kara da kasar Tanzania, a gasar samun gurbi a gasar cin kofin kalubalen na kasashen Afirka, wanda za’a buga a watan Satumba.
Super Eagles dai bata da wani katabus da zata iya yi domin ta riga ta barar da damanta na samun gurbi a gasar sau biyu a jere tayi rashin nasarar buga wannan gasar.
Wannan wasan da za’a buga na jeka na yi kane, koda Najeriya ta lashe wasan ba inda zai kai ta, gashi kuma hukumar na fama da rashin kudi shi yasa za’a yi amfani da ‘yan wasan na gida tun da wasa bashi da wani tasiri.
Daga dukkan alamu wannan zai baiwa ainihim ‘yan Super Eagles damar tunkarar kasashen Mali da Luxembourg, a wasan sada zumunta.