Koch na kungiyar ‘yan wasan kwallon kafar kasar Amurka, Jurgen Klinsmann, yayi wasu kalamai marasa dadi, bayan wasan da suka buga a kasar Guatemala, ta yankin kudanci kasar. An dai tashi da ci 2-0 da babu a ranar Juma’a, yanzu haka dai kasar ta Amurka nada damar mintoci 90, su kokarta wajen ganin sun samu makin da ya kamata don zama cikin jerin zakaru.
A cikin jerin wasan da ake bugawa na zakaru don samun shiga gasar cin kofin duniya na shekarar 2018, da ake sa ran za’a buga a kasar Rasha. Tun dai a shekarar 1990, rabon da a cire kasar Amurka, kamin kaiwa cikin jerin kasashe da zasu buga wasan gasar cin kofin duniya. Amma a yanzu haka dai idan kasar ba tayi kokari ba, a wasan da zasu buga a ranar Talata mai zuwa ba, ba zasu samu damar zuwa gasar cin kofin duniya ba.
Irin nasarori da kasar ke samu a duk bayan shekaru 4, na taka rawar gani, wani abun dubawa ne wanda yanzu haka kasar tana kangaba a kusan komai a duniya, amma sai gashi a wasan kwallo tana neman shan kunya.