Hukumar nan me tantance abubuwan mamaki da ban al’ajabi a duniya, wadda ake kira “Guinness World Records” a turance, sun bayyanar da wata mata mai suna, Lee Redmond, a matsayin mace da take da kunba mafi tsawo a duniya.
Lee ta kwashe tsawon shekaru Talatin 30, tana kiwon wannan kunbar tata, a yanzu anyi kiyasin tsawon kunbar ta zata kai kimanin tsawon murabba’in 4.5 inci, kwatan kwacin tsawon yaro dan shekaru bakwai 7.
A cewar ta, tun a shekarar da ta fara tara wannan kunbar, ta fuskanci matsaloli da dama, domin kuwa a wasu yanayin bata samun damar gudanar da aikin da zai bukaci hannaye cikin gaggawa da inganci. Amma sabo da tasa rai tana son taga a wane mataki ne zasu fara canza kama.
Burinta dai shine ta bar wadannan kunbunan har zuwa wani tsawon kolaci, amma sanadiyyar wani hatsarin mota da ta samu, yasa wanna kunbunnan nata sun karye.