A ranar Asabar mai zuwa ake sa ran za a fara gasar cin kofin Premier ta Ingila inda Mancheter United da Tottenham za su fara taka kwallo a wasan farko.
Ana sa ran kammala gasar ne a ranar 15 ga watan Mayun shekarar 2016, hakan na nufin za a kammala wannan kakar wasa ta bana da wuri idan aka kwatanta da kakar wasa ta bara, domin a baiwa ‘yan wasaN damar yin shirin tunkarar gasar Nahiyar Turai.
Wannan kakar wasa ta 2015 da 2016 za ta kasance juko na 24 a tarihin gasar wacce aka kirkiro a shekarar 1992.
A dai ranar 17 ga watan Yunin wannan shekara aka fitar da jadawalin yadda kungiyoyin za su kara inda Chelsea za ta kare kofin gasar da ta lashe a kakar wasan da ta gabata.
Masana da dama sun kwatanta wannan juko a matsayin wani mai sarkakiya ganin irin cefanen ‘yan wasa da kungiyoyo suka yi.