Gobe talata da kuma jibi laraba za a buga zagayen farko na wasannin kwata fainal na cin kofin zakarun kulob na Turai.
Gobe talatar, Atletico Madrid zata kara da Real Madrid, yayin da Juventus zata kara da AS Monaco. Idan za a bi ta editocin shafin labaran kwallon kafa na GOAL.COM ne, Atletico zata doke Real a karawarsu ta ‘yan birnin Madrid, yayin da Juventus zata kawar da Monaco a karawarsu.
Jibi laraba, Porto zata karbi bakuncin Bayern Munich, kungiyar da masana tamaula na GOAL.COM suka ce watakila itace ma zata lashe wannan kofi. PSG tana gida zata karbi bakuncin FC Barcelona.
A mako mai zuwa, dukkan kungiyoyin zasu sake karawa a zagaye na biyu. Kungiyoyi 4 da suka samu nasara idan an harhada sakamakon wasanninsu bibbiyu, zasu wuce zuwa ga wasan kusa da karshe, watau semi final.
Za a buga wasan karshe ranar asabar 6 ga watan Yuni.