Coci din Manchester United Jose Mourinho yace zai yi matukar farin ciki ya horar da kungiyar wasan kwallon kafa ta kasar Brazil amma abinda kamar wuya zai fi gwammacewa da wani aiki dabam mafi sauki.
Mourinho dan asalin kasar Portugal yana cikin kwararrun masu horar da ‘yan wasan kwallon kafa a duniya, duba ga irin nasarori da ya samu a harkan kwallon kafa.
Ana sa ran tsohon coach din na Manchester United zai koma horar da kungiyar kwallo ta wata kasa, sai dai yace yana son inda zai yi akinsa cikin sauki da zarar ya bar Manchester United ta Old Trafford.
Mourinho ya fadawa wata gidan telbijin a Brazil ta ESPN cewar yana ganin zai so ya yi aiki mai sauki bayan ya bar Manchester United.
Yace horar da ‘yan wasa Brazil zai yi matukar wahala. Sai dai kuma a zahiri zai zama abu mai dadi. Yace kowane coci zai so ya horar da kungiyar da ta yi fice a fagen wasa da kwararrun ‘yan wasa.
Yace ko shakka babu kungiyar kwallon kafa ta Brazil itace kan gaba wurin nasarori a fagen wasan kwallon kafa, suna da kwararrun ‘yan wasa a kowane lokaci suna kara samun kwararrun ‘yan wasa.
Mourinho ya kara da cewar yana sane da cewar kungiyar kwallon kafar Brazil ta coci din ‘yan asalin Brazil ne.
