'Yan takarar gwamna a jihohin Adamawa da Taraba sun rattaba hannu akan yarjejeniyar tabbatar an gudanar da zabe ba tare da tashin hankali ba.
Kwamishinan 'yan sandan jihar Adamawa, Mr Gabriel shine ya karanta yarjejeniyar a gaban kwamishinan hukumar zabe na jihar.
Dukkan yan takarar sunce yarjejeniyar tana da muhimmanci, kuma sun baiyana fatar za'a gudanar da zabe ba tare da tashin hankali ba.
Kwamishinan hukumar zabe mai zaman kanta INEC a jihar Alhaji Baba Abba yace hukumar zabe ta shirya tsaf, domin jama'a suje su kada kuri'arsu a ranar Asabar idan Allah ya kaimu.
