WASHINGTON DC —
Jam’iyyar APC mai mulkin Najeriya ta yi taron kolinta ba tare da halartar wasu da ake ganin kusoshinta ne ba.
Daya daga cikinsu, Injiniya Buba Galadima da bai kasance a taron ba, ya yi zargin cewa an hanashi gayyata zuwa taron ne.
Amma sakataren jam’iyyar na kasa Mai Mala Boni ya ce a tasa sanin an gayyaci Buba Galadima zuwa taron.
Haka ma har aka waste daga taron ba’a ga tsohon mataimakin shugaban Najeriya Alhaji Atiku Abubakar ba a taron.
Dr Abubakar Umar Kari ya ce rashin kasancewar Alhaji Atiku Abubakar a taron da walakin, wai goro a miya.
To saidai sakataren jam’iyyar na kasa ya ce rashin kasancewar irinsu Atiku Abubakar a taron bai nuna alamar akwai matsala ba.
Ga rahoton Hassan Maina Kaina da karin bayani
Facebook Forum