WASHINGTON DC —
Tsohon firayi ministan Malaysia Mahathir Mohamad mai shekaru 92 da haifuwa , ya ba duniya mamaki da ya lashe zaben da aka yi jiya Laraba na yan majalisa bayan ya yi ritaya.
Mahathir da hadakar jami’iyun adawa da ake kira Alliance of Hope, sun kayar da jami’iyar National Front Coalition, wacce take mulkin kasar tun lokacin da kasar ta samu yancin kai a shekarar 1957.
Ana sa ran jami’iyar Alliance of Hope zata lashe kujerun majalisa 115, yayin da National Front Coalition kuma zata samu kujeru 79.
Masana sun yi has ashen National Front mai mulki zata yi hasarar kuri’ar farin jinni, amma zata ci gaba da samun rinjayin majalisa, bayan ta sake tsara taswirar zaben kasar.
Facebook Forum