WASHINGTON, DC —
Da yake magana a taron shekara-shekara kan harkokin tsaro da ake yi a Munich na Jamus, a lokacin da aka yi zaman tattaunawa, Kelly yace, wannan karon, dokar ba zata hana wadanda suka sami VISA ta zuwa aiki a Amurka, ko wadanda suke da katin izinin zama da ake kira "Green-Card" sake shiga Amurka ba.
Haka nan dokar wannan karon ba zata shafi wadanda tuni suke kan hanyar zuwa Amurka, ko tuni suke tashoshin shiga kasar, kamar yadda ya faru a baya ba.
Ana jin gwamnati zata fidda sabuwar dokar daga gobe Talata, kamar yadda kafofin yada labarai na Amurka suka bada rahoto, wanda shi shugaba Trump da kansa ya tabbatar da haka.
Facebook Forum