WASHINGTON D.C —
Shugaban kasar Rasha Vladmir Putin yace wata fashewa da aka samu a St. Petersburg ranar Laraba hari ne na ta’addanci.
Putin ya bada wannan bayani ne a yau alhamis a fadar Kremlin a yayin da ake wani bukin raba kyaututtuka ga ma’aikatan Rasha da sukayi aiki a Syria, amman bai bada Karin bayani akan fashewar bam din ba.
Mutane akalla 13 sun ji rauni bayan da wani bam da aka hada a gida ya fashe a wani kanti dake St. Petersburg, amman daga farko masu bincike sunce suna duban lamarin a matsayin yunkurin kisan kai.
Jami’an lafiya sunce babu wanda ya samu raunin da zai iya hallaka shi a wannan lamarin, haka kuma babu wanda ya dauki alhakin kai harin.
Facebook Forum