WASHINGTON, DC —
Shugaban hukumar kwallon kafa ta duniya, FIFA, Sepp Blatter, na fuskantan babban kalubale daga abokan takarar sa na neman shugabancin hukumar.
Wannan shine karo na biyar da Sepp Blatter, ke neman shugabancin hukumar ta FIFA.
Michael Van Praag da Luis Figo, da suma ke neman shugabancin hukumar sun amince su marawa Yarima Ali bin Hussein, baya domin kalubalantar Sepp Blatter.
Kasancewar Ali bin Hussein ne kade zai tsaya takara da Blatter, yayi alkawarin kara yawan kasashen da zasu yi wasa a gasar cin kofin kwallo na Duniya daga 32 zuwa 36 inda kowace nahiya zata samu Karin kasa guda.
Michael Praag da Luis Figo, tun farko sun umarci magoya bayan su dasu marawa Ali bin Hussein baya domin hana Sepp Blatter, samun nasara a karo na biyar.
